سلبيات المجتمع المصرى

السلام عليكم و رحمة الله و بركاته


ازيكم يا احلى و اجمل اعضاء فى الدنيا كلها

كتير اوى بفكر فى السلبيات الى فى مجتمعنا المصرى
فيه سلبيات كتير اوى معظم الناس بتعملها من غير ما تاخد بالها ان دى حاجه ممكن تضر البلد
و طبعا يا جماعه علشان احنا كلنا بنحب بلدنا الجميله مصر
لازم نفكر ازاى نحافظ عليها و نخليها احسن
و علشان احنا الشباب يبقى احنا الى لازم نتكلم و نعمل بالى بنقوله
و الموضوع الى هنتكلم فيه دلوقتى او العاده السلبيه الى هنتكلم عنها هى النظافه
قريت كذا مره عن يوم النظافه العالمى
و عرفت ان فى اليوم دا العالم كله بيشترك فى الحفاظ على المنازل و الشوارع و المدن نظيفه
طب ليه يبقى يوم واحد بس فى السنه
ليه ميبقاش كل يوم
كتير اوى شوارع بنلاقيها مليانه زباله و كتير اوى شوارع بتبقى نظيفه جدا و مع ذلك برضه الناس بترمى فيها زباله
طب تفتكرو الناس الى بترمى زباله دى ناس متحضره ؟
دى ناس بتحب بلدها ؟
معتقدش
لان الحب مش كلام الحب فعل
لو بتحب بلدك بجد حافظ عليها و على نظافتها
مترميش اى حاجه فى الشارع ارميها فى سلة الزباله و لو ملقتش خليها معاك لغايه لما تروح بيتك
و متقولش يعنى هو انا الوحيد الى برمى فى الشارع ما الناس كلها بتعمل كده
عايزه
اقولك ان الى بيعمل كده ده انسان جاهل او بمعنى اصح انسان البلد مش فارقه
معاه مش فاهم انو بالطريقه الى بيتصرف بيها دى بيضر البلد و بيضر نفسه

ابدا بنفسك
يا جماعه لو كل واحد فينا بدا بنفسو هنلاقى ان احنا بنكتر
و الناس لما تلاقيه احسن منهم هيغيرو منو و يعملو زيو
اتمنى ان محدش يستهون بالكلام الى انا بقوله ده
و مستني اعرف ارائكم و ردودكم على الموضوع